Dan l-artiklu deher fil-ħarġa tan-Nazzjon tal-Ħamis 18 ta' Ġunju 2015
Il-ġimgħa l-oħra l-Oppożizzjoni ressqet mozzjoni fil-Parlament biex jiġi revokat l-avviż legali li bih twaqqfet l-aġenzija ċentrali ġdida tal-gwardjani lokali. U r-raġuni hija waħda, il-Partit Nazzjonalista dejjem emmen fis-sussidjarjeta', u li l-poter kemm jista' jkun m'għandux ikun ċentralizzat imma għandu jinżel 'l isfel. Kien għalhekk li per eżempju waqqaf il-Kunsill Lokali, biex deċiżjonijiet li jolqtu l-lokal jittieħdu minn Kunsill eqreb tar-resident u mhux mill-Ministru.
Jidher ċar li l-Partit Laburista bil-kontra, jemmen li l-poter għandu jkun ċentralizzat kemm jista' jkun. Huwa għalhekk li deċiżjonijiet li jirrigwardjaw il-gwardjani lokali, u li qabel kienu jittieħdu mill-Kunsilli u mir-Reġjuni, issa ser jibdew jittieħdu minn aġenzija ċentrali li waqqaf apposta. Huwa għalhekk ukoll li naqqas il-fondi tal-Kunsilli Lokali u naqqas l-iskemi li normalment kienu japplikaw għalihom.
Din iċ-ċentralizzazzjoni tal-poter maħniex narawha tiġri biss fil-Kunsill Lokali. Qed narawha tiġri anke f'diversi awtoritajiet. Rajnieha tiġri fil-MEPA, fejn waħda mill-ewwel deċiżjonijiet li ħa dan il-Gvern kienet li biddel policy li daħħal il-Partit Nazzjonalista li ma kienet tippermetti li l-ebda żvilupp fl-ODZ jista' jiġi qatt sanzjonat, u minflok ta l-poter li l-Ministru jista' jissanzjona dan anke' hu.
Qed narawha tiġri anke fil-liġi li tiddefinixxi l-istandards li jridu jintlaħħqu biex istituzzjoni tkun tista' tissejjaħ Universita'. Mhux biss naqqas ir-rekwiżiti ta' tagħlim u riċerka li hemm bżonn tilħaq, imma żied proviso inkwetanti fejn il-Gvern jista' jaqbeż il-Kummissjoni Nazzjonali għal Edukazzjoni Ogħla, u jkun hu li jiddeċiedi li jkun fl-"interess nazzjonali" xi istituzzjoni tista' tissejjaħ Universita' mingħajr ma tkun tilħaq xejn mir-rekwiżiti li hemm fil-liġi. L-"interess nazzjonali" hija l-istess skuża frekwenti li juża l-Gvern biex ma jippublikax inkjesti, kuntratti u rapporti li huwa obbligat jipprovdi lill-poplu li eleġieh.
Il-Gvern qiegħed sistematikament ineħħi l-poter minn għand l-awtoritajiet indipendenti, il-Kunsilli Lokali, iċ-ċittadini, u jieħdu f'idejh. Jieħdu f'idejh biex dejjem aktar ikollu poter assolut. U dan jagħti raġun lil min jgħid li d-demokrazija tagħna qed tiġi mhedda. Għax id-demokrazija mihix biss vot ta' kull ħames snin. Id-demokrazija hija ħafna aktar minn hekk. Id-demokrazija hija s-separazzjoni tal-poter, il-liberta' tal-espressjoni u ta' assoċjazzjoni, istituzzjonijiet u awtoritajiet b'saħħithom, independenti u imparzjali li jittrattaw lil kull ċittadin l-istess, u fuq kollox is-saltna tad-dritt, fejn anke' l-Gvern suġġett għall-istess liġi. Jekk dawn ma jkunux jeżistu u jiffunzjonaw tajjeb, ma nkunux ngħixu f'demokrazija. Inkunu ngħixu taħt monarkija eletta, fejn ikollna vuċi biss darba kull ħames snin, u x'jiġri bejniethom huwa fid-diskrezzjoni assoluta tal-imperatur elett għal dawk il-ħames snin.
Meta jiġri hekk, u l-poter assolut ikun f'idejn ftit nies, ma jkun hemm xejn x'jipproteġi liċ-ċittadin mill-monstru li jista' jsir Gvern awtoritarju. U jekk kien hemm każ fejn ħareġ ċar li mexjin lejn dik id-direzzjoni, kien il-każ tal-iskandlu ta' Strada Zekka.
Mhux biss fil-mod kif sar l-esproprju tal-binja, mhux biss fil-prezz li tħallas għalih, mhux biss fil-mod kif ġew stmati l-artijiet li ingħatawlu bi tpartit, imma aktar gravi minn hekk fl-opinjoni tiegħi, kien dak li ħareġ mill-intervista li saret mas-Sur Martin u li xxandret nhar il-Ġimgħa li għaddiet. Is-Sur Martin kienet il-persuna li kellu b'kera l-art f'Baħar iċ-Ċagħaq li ingħatat lil Gaffarena. Huwa qal li dan il-post kien iżommu f'kundizzjoni eċċellenti, u kien iqatta' t-tliet xhur tas-Sajf fih. Ġara li darba wara li mar ġimgħa Għawdex, jiġi lura u jirċievi telefonata mil-Lands li l-art ħa titteħiedlu għax ma żammiex f'kundizzjoni tajba (l-istess ħaġa li suppost għamel il-Gvern mal-Partit Laburista fuq l-Australia Hall). Huwa ma setax jifhem x'ġara, imma mbagħad mar fuq il-post u sab li fil-ġimgħa li għamel nieqes, kissrulu kollox biex ikunu jistgħu jeħduhielu!
X'oxxenita'! X'kattiverja! X'ħażen ta' manuvrar biex dak li ried Gaffarena jingħatalu! Araw kif l-awtoritajiet u d-dipartimenti li suppost qegħdin hemm biex jipproteġu liċ-ċittadin mill-poter tal-Gvern, intużaw mill-istess Gvern biex ikissru ċittadin! Dak huwa l-livell baxx li s-suppost demokrazija tagħna niżlet fih.
U allura spiċċa ż-żmien li nibqgħu passivi għax xi deċiżjoni ħażina ma affetwatnix. Hemm bżonn li bħala poplu nqumu b'dinjita' u nkunu ta' tarka għal xulxin. Għax illum il-Gvern dehrlu li jgħaffeġ lis-Sur Martin, imma għada jista' jidhirlu li jgħaffeġ lilek. Għax illum mess l-art taż-Żonqor, għada jista' jmiss il-green area ta' maġenbek jew fejn tħobb tmur tistrieħ inti. Illum mess lill-ħaddiema taċ-ċivil li kienu jgħinu lil Tonio Fenech fi tfassil ta' strateġija, għada jista' jmiss lilek li l-Gvern jidhirlu li qed taħdem kontrieh meta tikkritikah.
Ejja negħlbu l-biża', ejja negħlbu l-passivita', u ejja nuru li d-demokrazija għadha tagħna u tal-ebda psewdo-imperatur.
Il-ġimgħa l-oħra l-Oppożizzjoni ressqet mozzjoni fil-Parlament biex jiġi revokat l-avviż legali li bih twaqqfet l-aġenzija ċentrali ġdida tal-gwardjani lokali. U r-raġuni hija waħda, il-Partit Nazzjonalista dejjem emmen fis-sussidjarjeta', u li l-poter kemm jista' jkun m'għandux ikun ċentralizzat imma għandu jinżel 'l isfel. Kien għalhekk li per eżempju waqqaf il-Kunsill Lokali, biex deċiżjonijiet li jolqtu l-lokal jittieħdu minn Kunsill eqreb tar-resident u mhux mill-Ministru.
Jidher ċar li l-Partit Laburista bil-kontra, jemmen li l-poter għandu jkun ċentralizzat kemm jista' jkun. Huwa għalhekk li deċiżjonijiet li jirrigwardjaw il-gwardjani lokali, u li qabel kienu jittieħdu mill-Kunsilli u mir-Reġjuni, issa ser jibdew jittieħdu minn aġenzija ċentrali li waqqaf apposta. Huwa għalhekk ukoll li naqqas il-fondi tal-Kunsilli Lokali u naqqas l-iskemi li normalment kienu japplikaw għalihom.
Din iċ-ċentralizzazzjoni tal-poter maħniex narawha tiġri biss fil-Kunsill Lokali. Qed narawha tiġri anke f'diversi awtoritajiet. Rajnieha tiġri fil-MEPA, fejn waħda mill-ewwel deċiżjonijiet li ħa dan il-Gvern kienet li biddel policy li daħħal il-Partit Nazzjonalista li ma kienet tippermetti li l-ebda żvilupp fl-ODZ jista' jiġi qatt sanzjonat, u minflok ta l-poter li l-Ministru jista' jissanzjona dan anke' hu.
Qed narawha tiġri anke fil-liġi li tiddefinixxi l-istandards li jridu jintlaħħqu biex istituzzjoni tkun tista' tissejjaħ Universita'. Mhux biss naqqas ir-rekwiżiti ta' tagħlim u riċerka li hemm bżonn tilħaq, imma żied proviso inkwetanti fejn il-Gvern jista' jaqbeż il-Kummissjoni Nazzjonali għal Edukazzjoni Ogħla, u jkun hu li jiddeċiedi li jkun fl-"interess nazzjonali" xi istituzzjoni tista' tissejjaħ Universita' mingħajr ma tkun tilħaq xejn mir-rekwiżiti li hemm fil-liġi. L-"interess nazzjonali" hija l-istess skuża frekwenti li juża l-Gvern biex ma jippublikax inkjesti, kuntratti u rapporti li huwa obbligat jipprovdi lill-poplu li eleġieh.
Il-Gvern qiegħed sistematikament ineħħi l-poter minn għand l-awtoritajiet indipendenti, il-Kunsilli Lokali, iċ-ċittadini, u jieħdu f'idejh. Jieħdu f'idejh biex dejjem aktar ikollu poter assolut. U dan jagħti raġun lil min jgħid li d-demokrazija tagħna qed tiġi mhedda. Għax id-demokrazija mihix biss vot ta' kull ħames snin. Id-demokrazija hija ħafna aktar minn hekk. Id-demokrazija hija s-separazzjoni tal-poter, il-liberta' tal-espressjoni u ta' assoċjazzjoni, istituzzjonijiet u awtoritajiet b'saħħithom, independenti u imparzjali li jittrattaw lil kull ċittadin l-istess, u fuq kollox is-saltna tad-dritt, fejn anke' l-Gvern suġġett għall-istess liġi. Jekk dawn ma jkunux jeżistu u jiffunzjonaw tajjeb, ma nkunux ngħixu f'demokrazija. Inkunu ngħixu taħt monarkija eletta, fejn ikollna vuċi biss darba kull ħames snin, u x'jiġri bejniethom huwa fid-diskrezzjoni assoluta tal-imperatur elett għal dawk il-ħames snin.
Meta jiġri hekk, u l-poter assolut ikun f'idejn ftit nies, ma jkun hemm xejn x'jipproteġi liċ-ċittadin mill-monstru li jista' jsir Gvern awtoritarju. U jekk kien hemm każ fejn ħareġ ċar li mexjin lejn dik id-direzzjoni, kien il-każ tal-iskandlu ta' Strada Zekka.
Mhux biss fil-mod kif sar l-esproprju tal-binja, mhux biss fil-prezz li tħallas għalih, mhux biss fil-mod kif ġew stmati l-artijiet li ingħatawlu bi tpartit, imma aktar gravi minn hekk fl-opinjoni tiegħi, kien dak li ħareġ mill-intervista li saret mas-Sur Martin u li xxandret nhar il-Ġimgħa li għaddiet. Is-Sur Martin kienet il-persuna li kellu b'kera l-art f'Baħar iċ-Ċagħaq li ingħatat lil Gaffarena. Huwa qal li dan il-post kien iżommu f'kundizzjoni eċċellenti, u kien iqatta' t-tliet xhur tas-Sajf fih. Ġara li darba wara li mar ġimgħa Għawdex, jiġi lura u jirċievi telefonata mil-Lands li l-art ħa titteħiedlu għax ma żammiex f'kundizzjoni tajba (l-istess ħaġa li suppost għamel il-Gvern mal-Partit Laburista fuq l-Australia Hall). Huwa ma setax jifhem x'ġara, imma mbagħad mar fuq il-post u sab li fil-ġimgħa li għamel nieqes, kissrulu kollox biex ikunu jistgħu jeħduhielu!
X'oxxenita'! X'kattiverja! X'ħażen ta' manuvrar biex dak li ried Gaffarena jingħatalu! Araw kif l-awtoritajiet u d-dipartimenti li suppost qegħdin hemm biex jipproteġu liċ-ċittadin mill-poter tal-Gvern, intużaw mill-istess Gvern biex ikissru ċittadin! Dak huwa l-livell baxx li s-suppost demokrazija tagħna niżlet fih.
U allura spiċċa ż-żmien li nibqgħu passivi għax xi deċiżjoni ħażina ma affetwatnix. Hemm bżonn li bħala poplu nqumu b'dinjita' u nkunu ta' tarka għal xulxin. Għax illum il-Gvern dehrlu li jgħaffeġ lis-Sur Martin, imma għada jista' jidhirlu li jgħaffeġ lilek. Għax illum mess l-art taż-Żonqor, għada jista' jmiss il-green area ta' maġenbek jew fejn tħobb tmur tistrieħ inti. Illum mess lill-ħaddiema taċ-ċivil li kienu jgħinu lil Tonio Fenech fi tfassil ta' strateġija, għada jista' jmiss lilek li l-Gvern jidhirlu li qed taħdem kontrieh meta tikkritikah.
Ejja negħlbu l-biża', ejja negħlbu l-passivita', u ejja nuru li d-demokrazija għadha tagħna u tal-ebda psewdo-imperatur.
Comments
Post a Comment