Il-Partit Laburista qed jakkuża lill-Gvern li jrid iċaħħad il-vot fir-referendum dwar id-divorzju lil 2,800 żagħżugħ. Il-fatti huma dawn:
14 ta' Frar 2011: Il-Kap tal-Oppożizzjoni Dr. Joseph Muscat iressaq mozzjoni fil-Kamra tad-Deputati fejn jipproponi fost l-oħrajn li: "mhux aktar tard minn sebat (7) ijiem mill-approvazzjoni ta’ din ir-Riżoluzzjoni, għandu jissejjaħ Referendum Konsultattiv kif provdut fl-Artikolu 3 tal-Kapitolu 237 tal-Liġijiet ta’ Malta, u li dan ir-Referendum Konsultattiv għandu jsir mhux aktar tard minn erbgħin (40) jum minn meta jissejjaħ" (Mozzjoni 208 tal-11-il Leġislatura). B'din il-mozzjoni, ir-Referendum kellu jissejjaħ sat-23 ta' Marzu, u jsir sat-30 t'April.
17 ta' Frar 2011: Il-Prim Ministru Dr. Lawrence Gonzi jikteb lil Dr. Muscat biex jagħmel żewġ emendi għall-mozzjoni: (a) il-mistoqsija tkun ġenerika jekk il-poplu jridx li tidħol leġislazzjoni tad-divorzju u (b) ir-Referendum isir aktar tard biex ma jaħbatx mal-għada tad-Duluri jew Sibt il-Għid.
23 ta' Frar 2011: Il-Kamra tad-Deputati tibda tiddibatti l-Mozzjoni 208 imressqa mill-Kap tal-Oppożizzjoni. Id-dibattitu ppjanat li jieħu 9 seduti.
16 ta' Marzu 2011: Fl-aħħar intervent tad-dibattitu, il-Kap tal-Oppożizzjoni jressaq emenda qabel jittieħed il-vot, biex il-kliem t'hawn fuq jinbidel u jsir: "u mhux aktar tard minn ħmistax (15)-il jum mill-approvazzjoni ta' din ir-Riżoluzzjoni, għandu jissejjaħ Referendum Konsultattiv kif provdut fl-Artikolu 3 tal-Kapitolu 237 tal-Liġijiet ta' Malta, u li dan ir-Referendum Konsultattiv għandu jsir fil-jum tas-Sibt, 28 ta' Mejju 2011;" Il-mozzjoni tgħaddi mill-Parlament bil-vot li jittieħed dakinhar stess: 36 favur, 33 kontra.
30 ta' Marzu 2011: Preċiżament 14-il ġurnata wara, l-aħħar ġurnata possibli kif talbet il-Kamra tar-Rappreżentanti (għax l-għada festa nazzjonali), il-President iffirma s-sejħa għar-Referendum Konsultattiv dwar id-Divorzju biex isir fit-28 ta' Mejju 2011.
31 ta' Marzu 2011: Il-Partit Laburista joħroġ jgħid li l-Gvern irid iċaħħad 2800 żgħażugħ li għalqu 18 wara l-1 ta' Ottubru 2010 milli jivvutaw. Jgħid ukoll, li huma ssuġġerew lill-Kummissjoni Elettorali biex tistenna li joħroġ ir-Reġistru Elettorali ta' April qabel tibda l-proċess tar-Referendum.
Żewġ punti żgħar:
(a) L-ingann sfaċċat ta' min ħa żball fil-mozzjoni li ressaq u issa qed jipprova jgħattieh billi jitfgħu fuq ħaddieħor;
(b) Is-suġġeriment li l-Kummissjoni Elettorali, jew il-Kap tal-Oppożizzjoni, jew kwalnukwe' persuna oħra, anke jekk vera kif kien hemm xi ftehim mal-Prim Ministru, jimxu kontra dak li approva l-Parlament, huwa ANTI-demokratiku għall-aħħar. Kif jista' Kummissjoni, jew iż-żewġ kapijiet tal-Partiti, jaqblu biex tiddawwar jew tinkiser mozzjoni APPROVATA mill-Kamra tar-Rappreżentanti tal-Poplu. Il-Kamra tar-Rappreżentanti hija l-organu leġislattiv suprem, suġġett biss għall-Kostituzzjoni, u jekk xi ħadd jidhirlu li għandu jaqbiżha jkun vera qed jipprova jiżżufjetta mhux biss bil-poplu, imma bl-ordni demokratika ta' pajjiżna.
Wara kollox, qed tinħoloq frattarija fuq ix-xejn. F'kull elezzjoni jkun hemm numru ta' żgħażagħ li jkunu għalqu t-18 imma ma laħqux dehru fl-aħħar reġistru elettorali, u qatt ħadd ma qal li dawn qed jiċċaħdu mid-demokrazija. X'imkien trid tinqata' linja. Is-sistema ta' pajjiżna timxi mar-Reġistri Elettorali pubblikati f'April u Ottubru. Kieku l-Kap tal-Oppożizzjoni vera ried li dawn l-2,800 jivvutaw, kien jibdel il-mozzjoni minn 15-il ġurnata għal 20 ġurnata biex jilħaq joħroġ reġistru ieħor. Imma dan, fi ħmistax-il ġurnata, m'għamlux. Ħaseb li n-nies għadhom ċwieċ li jaqgħu għal dawn il-'gimmicks'.
14 ta' Frar 2011: Il-Kap tal-Oppożizzjoni Dr. Joseph Muscat iressaq mozzjoni fil-Kamra tad-Deputati fejn jipproponi fost l-oħrajn li: "mhux aktar tard minn sebat (7) ijiem mill-approvazzjoni ta’ din ir-Riżoluzzjoni, għandu jissejjaħ Referendum Konsultattiv kif provdut fl-Artikolu 3 tal-Kapitolu 237 tal-Liġijiet ta’ Malta, u li dan ir-Referendum Konsultattiv għandu jsir mhux aktar tard minn erbgħin (40) jum minn meta jissejjaħ" (Mozzjoni 208 tal-11-il Leġislatura). B'din il-mozzjoni, ir-Referendum kellu jissejjaħ sat-23 ta' Marzu, u jsir sat-30 t'April.
17 ta' Frar 2011: Il-Prim Ministru Dr. Lawrence Gonzi jikteb lil Dr. Muscat biex jagħmel żewġ emendi għall-mozzjoni: (a) il-mistoqsija tkun ġenerika jekk il-poplu jridx li tidħol leġislazzjoni tad-divorzju u (b) ir-Referendum isir aktar tard biex ma jaħbatx mal-għada tad-Duluri jew Sibt il-Għid.
23 ta' Frar 2011: Il-Kamra tad-Deputati tibda tiddibatti l-Mozzjoni 208 imressqa mill-Kap tal-Oppożizzjoni. Id-dibattitu ppjanat li jieħu 9 seduti.
16 ta' Marzu 2011: Fl-aħħar intervent tad-dibattitu, il-Kap tal-Oppożizzjoni jressaq emenda qabel jittieħed il-vot, biex il-kliem t'hawn fuq jinbidel u jsir: "u mhux aktar tard minn ħmistax (15)-il jum mill-approvazzjoni ta' din ir-Riżoluzzjoni, għandu jissejjaħ Referendum Konsultattiv kif provdut fl-Artikolu 3 tal-Kapitolu 237 tal-Liġijiet ta' Malta, u li dan ir-Referendum Konsultattiv għandu jsir fil-jum tas-Sibt, 28 ta' Mejju 2011;" Il-mozzjoni tgħaddi mill-Parlament bil-vot li jittieħed dakinhar stess: 36 favur, 33 kontra.
30 ta' Marzu 2011: Preċiżament 14-il ġurnata wara, l-aħħar ġurnata possibli kif talbet il-Kamra tar-Rappreżentanti (għax l-għada festa nazzjonali), il-President iffirma s-sejħa għar-Referendum Konsultattiv dwar id-Divorzju biex isir fit-28 ta' Mejju 2011.
31 ta' Marzu 2011: Il-Partit Laburista joħroġ jgħid li l-Gvern irid iċaħħad 2800 żgħażugħ li għalqu 18 wara l-1 ta' Ottubru 2010 milli jivvutaw. Jgħid ukoll, li huma ssuġġerew lill-Kummissjoni Elettorali biex tistenna li joħroġ ir-Reġistru Elettorali ta' April qabel tibda l-proċess tar-Referendum.
Żewġ punti żgħar:
(a) L-ingann sfaċċat ta' min ħa żball fil-mozzjoni li ressaq u issa qed jipprova jgħattieh billi jitfgħu fuq ħaddieħor;
(b) Is-suġġeriment li l-Kummissjoni Elettorali, jew il-Kap tal-Oppożizzjoni, jew kwalnukwe' persuna oħra, anke jekk vera kif kien hemm xi ftehim mal-Prim Ministru, jimxu kontra dak li approva l-Parlament, huwa ANTI-demokratiku għall-aħħar. Kif jista' Kummissjoni, jew iż-żewġ kapijiet tal-Partiti, jaqblu biex tiddawwar jew tinkiser mozzjoni APPROVATA mill-Kamra tar-Rappreżentanti tal-Poplu. Il-Kamra tar-Rappreżentanti hija l-organu leġislattiv suprem, suġġett biss għall-Kostituzzjoni, u jekk xi ħadd jidhirlu li għandu jaqbiżha jkun vera qed jipprova jiżżufjetta mhux biss bil-poplu, imma bl-ordni demokratika ta' pajjiżna.
Wara kollox, qed tinħoloq frattarija fuq ix-xejn. F'kull elezzjoni jkun hemm numru ta' żgħażagħ li jkunu għalqu t-18 imma ma laħqux dehru fl-aħħar reġistru elettorali, u qatt ħadd ma qal li dawn qed jiċċaħdu mid-demokrazija. X'imkien trid tinqata' linja. Is-sistema ta' pajjiżna timxi mar-Reġistri Elettorali pubblikati f'April u Ottubru. Kieku l-Kap tal-Oppożizzjoni vera ried li dawn l-2,800 jivvutaw, kien jibdel il-mozzjoni minn 15-il ġurnata għal 20 ġurnata biex jilħaq joħroġ reġistru ieħor. Imma dan, fi ħmistax-il ġurnata, m'għamlux. Ħaseb li n-nies għadhom ċwieċ li jaqgħu għal dawn il-'gimmicks'.
Comments
Post a Comment