I have copied this post by Dr. Jean-Pierre Farrugia from his facebook wall. This man has been a Member of Parliament for 16 years, he never black-mailed anyone to be given a ministry, and even though he's not Minister Joe Cassar's 'little child', he gave his input in the health reform without expecting any merit.
You had much to learn by simply looking around you Franco.
Ir-rekord tieghi – imxejt kuxjenzjozament – Minn Jean-Pierre Farrugia
F’mument daqshekk krucjali ghal pajjizna nixtieq niccara l-pozizzjoni tieghi fir-rigward ta’ kif membru parlamentari f’Parlament bi Gvern b’maggoranza ta’ siggu wiehed biss jista’ jaffettwa l-istabilita’ politika fil-pajjiz. Halli mela nispjega z-zewg cirkostanzi f’din il-Legizlatura fejn il-media mmanipulat din is-sitwazzjoni fil-konfront tieghi u kif gibt ruhi jien.
Frar 2010: Kopja ta’ emails kunfidenzjali u ristrett ghall-Grupp Parlamentari tghaddi ghand il-media. B’hekk sar pubbliku fil-Malta Today u s-Sunday Times tal-14 ta’ Frar li “ghal Health Care Act li tinkludi downsizing tas-sahha primarja tal-Gvern jien mhux se nivvota”.
Tlett ijiem wara fis-17 ta’ Frar jien hrigt din l-istqarrija pubblika:
“Wara dak li deher fil-gurnali nhar il-Hadd 14 ta’ Frar irrid nippreciza dawn il-punti:
1) kopja ta’ email li bghatt lill-Prim Ministru fid-9 ta’Frar intbaghtet biss lill-34 membru tal-Grupp Parlamentari Nazzjonalista u lis-Segretarju Generali tal-PN;
2) persuna fost dawn ghaddiet din l-email flimkien ma’ twegibiet ohra mill-kollegi Onor Michael Gonzi u Onor Robert Arrigo lill-gurnali;
3) il-kontenut tal-email kien intiz biss biex jistimola diskussjoni interna fost Grupp li kien ilu ma jiltaqa’ xahrejn;
4) Dwar ir-riforma tas-sahha primarja li ilha abbozzata sena, konfortat mill-valuri demokristjani li sawruni, wara pressjoni interna, jiena hrigt sahansitra qabel l-Oppozizzjoni u l-Unions tat-tobba niddikjara, malli gie ppubblikat id-dokument finali ta’ konsultazzjoni fil-5 ta’ Dicembru, li l-proposti ma kienux fl-interess tal-gid komuni .
5) Ma kellhiex tkun pubblika izda la giet ‘illeakjata’ l-informazzjoni, jien insostni li “ghall- Health Care Act li tinkludi downsizing tas-sahha primarja tal-Gvern jien mhux se nivvota.” Dan qed naghmlu kontra l-interessi privati tieghi bhala tabib tal-familja izda fl-interess tal-pazjent ghax is-sahha primarja pubblika mghandha qatt tigi privatizzata;
6) Minn naha tieghi, dan b’ebda mod m’ghandu jaffettwa l-istabilita’ politika fil-pajjiz. Anzi nistqarr li kif inhu ovvju, jien nibqa’ leali lejn il-Partit Nazzjonalista mmexxi mill-Prim Ministru Lawrence Gonzi.”
Hmistax wara fis-Sunday Times tat-28 ta’ Frar il-Ministru Joe Cassar kien Ga stqarr li l-proposti ghar-riforma tal-kura tas-sahha primarja ma kienux jehtiegu vot fil-Parlament. Dan jien kont nafu mill-bidu.
Il-PM u l-Ministru tas-Sahha rrikonoxxew li kelli ragun.
Jannar 2011: Meta fil-31 ta’ Di`embru 2010 il-membri parlamentari mhux fil-Kabinett ircevew ittra ufficjali minghand l-Iskrivan tal-Kamra li konna se niehdu mal- €20,000 b’lura u zieda ta’ €500 fix-xahar, fit-18 ta’ Jannar 2011 deher headlines fit-Times “PN MP would back Labour on raise” wara intervista minn gurnalist fejn talabni nghid nivvutax mal-Gvern jekk titressaq mozzjoni mill-Oppozizzjoni.
L-anqas ghaddew 24 –il siegha ghax fid-19 ta’ Jannar iltqajt mal-PM li laqqa’ l-Kabinett u l-Grupp Parlamentari fejn gie deciz li l-Kabinett jirrifondi l- €20,000 fiz-zieda fl-onorarja ta’ deputat mill-2008 u titwaqqaf iz-zieda ta’ €500 fix-xahar ghad-69 MP.
Izda meta tkellimt mal-gurnalista tat-Times kont naf li l-Oppozizzjoni mhux se taghmel mozzjonijiet fil-Parlament ghax fil-Grupp taghha hafna MPs Laburisti rieduha z-zieda minkejja r-ricessjoni.
U meta f’Gunju li ghadda l-Oppozizzjoni ressqet mozzjoni kontra l-Gvern dwar l-onorarja tal-Kabinett jien mhux talli vvutajt kontra izda:
1. iddikjarajt fit-Times fit-28 ta’ Gunju, tlett jiem qabel ma giet diskussa l-mozzjoni fil-Parlament li kont se nivvota kontra l-mozzjoni tal-Oppozizzjoni
2. bdejt jien stess inwiegeb fil-Parlament ghall-kritika tal-Kap tal-Oppozizzjoni meta tressqet fl-1 ta’ Lulju
3. flimkien mal-PM kont krucjali biex ma jghaddix il-vot li ttiehed l-ghada 2 ta’ Lulju.
Il-Kap u s-Segretarju Generali tal-Partit jafu kemm bl-iktar mod rett ippruvajt li l-PN ma jitghabbiex bil-hsara li ghamlet din is-saga li ghadha ghaddejja. Il-kuxjenza tieghi strahet meta Dr. Gonzi qal f’Marsaxlokk fit-8 ta’ Jannar “Il-politika tfisser li sservi lil pajjiżek u mhux pajjiżek iservi lilek” .
Comments
Post a Comment