L-artiklu tiegħi li deher fin-Nazzjon tat-Tnejn 20 ta' Awissu, 2012
Minħabba ċ-ċokon ta' pajjiżna u l-fatt li aħna gżira, spiss naqgħu fin-nasba li ningħalqu fil-mentalita' insulari tagħna u ninsew inħarsu ftit x'qed jiġri madwarna. F'dinja daqstant globalizzata, fejn dak li jiġri fil-Ġermanja, fiċ-Ċina, fl-iStati Uniti, u f'kull parti oħra tad-dinja, jaffetwana mill-qrib, ma nistgħux inġibu ruħna bħal li kieku d-dinja ddur magħna biss.
Wisq nibża' li hekk qed jiġrilu l-Partit Laburista. Jitkellem fuq tkabbir ekonomiku bħal li kieku dan isir bil-maġija, jitkellem fuq l-ispiża tal-Gvern bħal li kieku din kienet xi bir bla qiegħ. Jirrispondi għal billboard fuq ix-xogħol b'billboard fuq tal-linja, bħal li kieku hawn xi ħadd jippreferi jagħmel ħames minuti jistenna biex jirreġistra milli nofs siegħa jistenna tal-linja. Jipprova jbellagħhielna li s-suċċess li qed tagħmel Malta qed jiġri biss b'kumbinazzjoni jew għax aħna iffortunati, li pajjiżna sejjer tajjeb "minkejja l-Gvern". Le, is-suċċess ta' pajjiżna la qed jiġri b'kumbinazzjoni u lanqas sempliċiment b'xorti tajba.
Naħseb li huma tnejn il-fatturi li żammew lil pajjiżna sod f'dan it-taqlib ekonomiku kollu. L-ewwelnett, l-għaqal u l-bżulija tal-ħaddiema, imprendituri u self-employed Maltin, li kellhom jagħmlu sagrifiċċji u li issa u 'l quddiem igawdu l-frott tagħhom. Il-Partit Nazzjonalista dejjem wera fiduċja sħiħa fis-settur privat u fil-poplu innifsu, u din il-fiduċja dejjem issarfet fil-ħolqien tax-xogħol u l-ħolqien tal-ġid.
It-tieni fattur huwa bla dubju il-viżjoni tal-gvern. Viżjoni li ma bdietx illum imma snin ilu. Ftit biss wara l-elezzjoni tiegħu, il-Prim Ministru Lawrence Gonzi kien fassal u nieda liema huwa l-investiment li ried jiġbed lejn pajjiżna u l-oqsma li fihom ried jara lil pajjiżna jeċċella: l-informatika u t-telekomunikazzjoni, is-settur finanzjarju, l-avjazzjoni, l-online-gaming, il-manifattura avvanzata bħall-farmaċewtika u s-settur turistiku. Illum dawn l-oqsma kibru, u kien grazzi għal fatt li dawn l-oqsma kienu fost lanqas li ntlaqtu mir-riċessjoni li kellna ekonomija li baqgħet tikber fil-ħolqien tax-xogħol.
Għalhekk, mihix b'kumbinazzjoni li Malta għanda waħda mill-inqas rati ta' qagħad fl-Ewropa. Mihiex b'kumbinazzjoni li Malta qiegħda tikseb rekord wara l-ieħor fil-qasam turistiku. Mihiex b'kumbinazzjoni li Malta tiġi l-ewwel fl-Ewropa fir-rata ta' żgħażagħ li jsibu xogħol relatat fl-ewwel xhur wara li jtemmu l-istudji tagħhom. Mihiex b'kumbinazzjoni li riċerkaturi fl-Universita' tagħna saru jagħmlu isem għalihom infushom fuq livell internazzjonali.
Mhux ta' b'xejn li l-Ministru Ġermaniż għall-Ewropa, Michael Link, fi żjara li għamel f'Malta sejjaħ lil pajjiżna bħala "ankra ta' stabbilita'", u bħala mudell ta' suċċess ekonomiku għal kumplament tal-Ewropa. Mhux ta' b'xejn li l-Viċi-President tal-Kummissjoni Ewropea Antonio Tajani, sejjaħ dak li qed tagħmel Malta fl-oqsma tan-negozji żgħar u medji bħala "best-practice". Dan hu li nifhmu meta ngħidu li rridu npoġġu lil Malta fil-quċċata tal-Ewropa: Malta saret eżempju ta' prattika tajba għal kumplament tal-Ewropa, fejn ħaddieħor qed jiġi mħeġġeġ jikkupjana.
Altru milli b'kumbinazzjoni! Altru milli "minkejja l-Gvern"! Parti kbira mis-suċċess ta' pajjiżna huwa frott tal-viżjoni ta' fiduċja li dejjem kellhom gvernijiet nazzjonalisti fil-poplu tagħna, gvernijiet li kienu proattivi biżżejjed biex jifhmu minn snin qabel liema huma l-oqsma li pajjiżna jeħtieġ isaħħaħ u jitjieb fihom. Huwa din il-kwalita' ta' viżjoni li jeħtieġlu pajjiżna fis-snin li ġejjin biex ikun jista' jkompli jagħmel suċċess f'dinja globalizzata li qiegħda dejjem tinbidel b'rata iżjed mgħaġġla, viżjoni li dejjem offrielu l-Partit Nazzjonalista.
Minħabba ċ-ċokon ta' pajjiżna u l-fatt li aħna gżira, spiss naqgħu fin-nasba li ningħalqu fil-mentalita' insulari tagħna u ninsew inħarsu ftit x'qed jiġri madwarna. F'dinja daqstant globalizzata, fejn dak li jiġri fil-Ġermanja, fiċ-Ċina, fl-iStati Uniti, u f'kull parti oħra tad-dinja, jaffetwana mill-qrib, ma nistgħux inġibu ruħna bħal li kieku d-dinja ddur magħna biss.
Wisq nibża' li hekk qed jiġrilu l-Partit Laburista. Jitkellem fuq tkabbir ekonomiku bħal li kieku dan isir bil-maġija, jitkellem fuq l-ispiża tal-Gvern bħal li kieku din kienet xi bir bla qiegħ. Jirrispondi għal billboard fuq ix-xogħol b'billboard fuq tal-linja, bħal li kieku hawn xi ħadd jippreferi jagħmel ħames minuti jistenna biex jirreġistra milli nofs siegħa jistenna tal-linja. Jipprova jbellagħhielna li s-suċċess li qed tagħmel Malta qed jiġri biss b'kumbinazzjoni jew għax aħna iffortunati, li pajjiżna sejjer tajjeb "minkejja l-Gvern". Le, is-suċċess ta' pajjiżna la qed jiġri b'kumbinazzjoni u lanqas sempliċiment b'xorti tajba.
Naħseb li huma tnejn il-fatturi li żammew lil pajjiżna sod f'dan it-taqlib ekonomiku kollu. L-ewwelnett, l-għaqal u l-bżulija tal-ħaddiema, imprendituri u self-employed Maltin, li kellhom jagħmlu sagrifiċċji u li issa u 'l quddiem igawdu l-frott tagħhom. Il-Partit Nazzjonalista dejjem wera fiduċja sħiħa fis-settur privat u fil-poplu innifsu, u din il-fiduċja dejjem issarfet fil-ħolqien tax-xogħol u l-ħolqien tal-ġid.
It-tieni fattur huwa bla dubju il-viżjoni tal-gvern. Viżjoni li ma bdietx illum imma snin ilu. Ftit biss wara l-elezzjoni tiegħu, il-Prim Ministru Lawrence Gonzi kien fassal u nieda liema huwa l-investiment li ried jiġbed lejn pajjiżna u l-oqsma li fihom ried jara lil pajjiżna jeċċella: l-informatika u t-telekomunikazzjoni, is-settur finanzjarju, l-avjazzjoni, l-online-gaming, il-manifattura avvanzata bħall-farmaċewtika u s-settur turistiku. Illum dawn l-oqsma kibru, u kien grazzi għal fatt li dawn l-oqsma kienu fost lanqas li ntlaqtu mir-riċessjoni li kellna ekonomija li baqgħet tikber fil-ħolqien tax-xogħol.
Għalhekk, mihix b'kumbinazzjoni li Malta għanda waħda mill-inqas rati ta' qagħad fl-Ewropa. Mihiex b'kumbinazzjoni li Malta qiegħda tikseb rekord wara l-ieħor fil-qasam turistiku. Mihiex b'kumbinazzjoni li Malta tiġi l-ewwel fl-Ewropa fir-rata ta' żgħażagħ li jsibu xogħol relatat fl-ewwel xhur wara li jtemmu l-istudji tagħhom. Mihiex b'kumbinazzjoni li riċerkaturi fl-Universita' tagħna saru jagħmlu isem għalihom infushom fuq livell internazzjonali.
Mhux ta' b'xejn li l-Ministru Ġermaniż għall-Ewropa, Michael Link, fi żjara li għamel f'Malta sejjaħ lil pajjiżna bħala "ankra ta' stabbilita'", u bħala mudell ta' suċċess ekonomiku għal kumplament tal-Ewropa. Mhux ta' b'xejn li l-Viċi-President tal-Kummissjoni Ewropea Antonio Tajani, sejjaħ dak li qed tagħmel Malta fl-oqsma tan-negozji żgħar u medji bħala "best-practice". Dan hu li nifhmu meta ngħidu li rridu npoġġu lil Malta fil-quċċata tal-Ewropa: Malta saret eżempju ta' prattika tajba għal kumplament tal-Ewropa, fejn ħaddieħor qed jiġi mħeġġeġ jikkupjana.
Altru milli b'kumbinazzjoni! Altru milli "minkejja l-Gvern"! Parti kbira mis-suċċess ta' pajjiżna huwa frott tal-viżjoni ta' fiduċja li dejjem kellhom gvernijiet nazzjonalisti fil-poplu tagħna, gvernijiet li kienu proattivi biżżejjed biex jifhmu minn snin qabel liema huma l-oqsma li pajjiżna jeħtieġ isaħħaħ u jitjieb fihom. Huwa din il-kwalita' ta' viżjoni li jeħtieġlu pajjiżna fis-snin li ġejjin biex ikun jista' jkompli jagħmel suċċess f'dinja globalizzata li qiegħda dejjem tinbidel b'rata iżjed mgħaġġla, viżjoni li dejjem offrielu l-Partit Nazzjonalista.
Comments
Post a Comment