Dan l-artiklu deher fil-Mument ta' nhar il-Ħadd 29 ta' Diċembru 2013
Hekk kien jgħid li jrid jagħmilna Joseph Muscat qabel l-elezzjoni. L-aqwa fl-Ewropa. Pero’ tajjeb li issa li l-Gvern ilu kważi sena fil-kariga, naraw f’hiex verament Joseph Muscat għamilna l-aqwa.
Tajjeb niftakru li sal-bidu ta’ din is-sena, pajjiżna kien għadu msemmi bħala “mudell ekonomiku għall-kumplament tal-Ewropa”. Wieħed mill-iżjed pajjiżi b’rata ta’ qagħad baxxa. Pajjiż li flimkien mal-Ġermanja kien ra l-akbar tkabbir ekonomiku minkejja l-kriżi finanzjarja li ħakmet lid-dinja. Pajjiż b’ekonomija ħajja u b’ħafna industriji ġodda u moderni li kienu qed jissaħħu u jiġu attirati lejn pajjiżna. Il-Gvern Laburista, wiret pajjiż li kien l-għira ta’ ħafna. Fil-verità, ma kienx jonqosna ħafna biex inkunu ikkunsidrati “l-aqwa fl-Ewropa”.
Il-ġimgħa l-oħra pero’ ħarġet statistika tal-Eurostat li għandha ġġagħlna nitħassbu. Din l-istatistika la ħarġet mill-Partit Nazzjonalista u lanqas mill-Uffiċċju Nazzjonali tal-Istatistika li Edward Scicluna għandu ħabta jikkritika meta joħroġ statistika li ma ddoqx għal widnejh, imma mill-uffiċċju tal-istatistika tal-Unjoni Ewropea. Din l-istatistika tikkuntrasta bil-kbir ma dak li kienet turi Malta sas-sena l-oħra. Infatti r-riżultati ta’ din is-sena fuq dik li hi produzzjoni industrijali li ma tinkludix il-kostruzzjoni, juru li:
• Malta irreġistrat it-tieni l-akbar tnaqqis fi produzzjoni industrijali fl-Ewropa meta mkejla xahar b’xahar, bi tnaqqis ta’ 7.4% f’Ottubru 2013 kumparat ma’ Settembru 2013 (l-Irlanda biss kellha tnaqqis akbar minn tagħna ta’ 11.6%). Dan hu gravi meta wieħed jikkumpara mal-medja tal-Ewropa li rat tnaqqis ta’ 0.7% biss. Sa Diċembru tas-sena l-oħra, Malta ikkumparat max-xahar ta’ qabel kellha żieda fil-produzzjoni industrijali ta’ 1.7%, li kienet akbar mill-medja ta’ 0.5% li esperjenzat l-Ewropa;
• Meta wieħed jikkumpara Ottubru ta’ din is-sena ma’ Ottubru tas-sena l-oħra, Malta kellha l-akbar tnaqqis fl-Ewropa, bi tnaqqis sinifikanti ta’ 13.9% (fit-tieni post ġiet l-Irlanda bi tnaqqis ta’ 7.5%). Dan hu aktar gravi meta wieħed jikkunsidra li bħala medja, l-Ewropa rat tkabbir ta’ 0.8% fuq is-sena ta’ qabel.
• Jekk wieħed jara r-riżultati ta’ Ottubru 2012, u jikkumpara ma’ din is-sena, id-differenza hija enormi. F’Ottubru tal-2012, Malta kellha it-tieni l-ogħla rata ta’ tkabbir fil-produzzjoni industrijali b’rata ta’ 10.3% u dan meta l-Ewropa bħala medja kienet rat tnaqqis ta’ 2.3% fuq is-sena ta’ qabel.
Fil-qosor, ir-riżultati jitkellmu waħedhom. Anke f’dik li hi industrija, Malta qed tara bidla fid-direzzjoni. Waqt li fi żmien Gvern Nazzjonalista, Malta kienet tara l-ogħla rata ta’ tkabbir waqt li l-Ewropa kienet qed tara tnaqqis, taħt il-Gvern Laburista Malta qed tara l-ogħla rata ta’ tnaqqis waqt li l-Ewropa qed tara tkabbir. L-istess ħaġa rajnieha fir-rata ta’ qagħad f’pajjiżna fit-tmien xhur li għaddew.
Wieħed jiftakar ukoll id-daqqa li pajjiżna ħa bl-iskema tal-bejgħ taċ-ċittadinanza li ġiet irredikolata mid-dinja kollha u li qajmet tħassib serju fl-Unjoni Ewropea, tant li ħa tiġi diskussa fil-Parlament Ewropew f’Jannar li ġej. Il-ħsara li din l-iskema għamlet lir-reputazzjoni ta’ pajjiżna żgur li m’għenitx biex nitqiesu l-aqwa fl-Ewropa.
L-istess ħsara qed issir mill-mod kif pajjiżna qed jitkellem fuq l-immigranti, li kompliet tgħaqqad bl-aħbar xokkanti li dehret fil-ġurnal Taljan L’Espresso li turi li fit-traġedja ta’ Lampedusa, Malta għażlet l-aktar triq riskjuża u li ħadet ħin biex il-Gvern jipprova jagħmilha tal-bravu, minflok ma’ ikkordina ma’ dgħajjes li kienu eqreb, bil-konsegwenza li għerqu mal-270 Sirjan. Żgur li ma għadniex l-aqwa f’dak li hu rispett lejn id-drittijiet tal-bniedem.
Altru milli “l-aqwa fl-Ewropa”. Bit-tmexxija tal-Partit Laburista, mhux biss ir-reputazzjoni ta’ pajjiżna niżlu ma’ l-agħar fl-Ewropa, imma anke r-riżultati fix-xogħol, l-industrija u l-ekonomija. Ma’ Joseph Muscat, jiżbalja hu, u inħallsu aħna.
Nieħu din l-okkażjoni biex nawgura lilkom u lill-familji tagħkom sena ġdida mimlija barka u riżq.
Hekk kien jgħid li jrid jagħmilna Joseph Muscat qabel l-elezzjoni. L-aqwa fl-Ewropa. Pero’ tajjeb li issa li l-Gvern ilu kważi sena fil-kariga, naraw f’hiex verament Joseph Muscat għamilna l-aqwa.
Tajjeb niftakru li sal-bidu ta’ din is-sena, pajjiżna kien għadu msemmi bħala “mudell ekonomiku għall-kumplament tal-Ewropa”. Wieħed mill-iżjed pajjiżi b’rata ta’ qagħad baxxa. Pajjiż li flimkien mal-Ġermanja kien ra l-akbar tkabbir ekonomiku minkejja l-kriżi finanzjarja li ħakmet lid-dinja. Pajjiż b’ekonomija ħajja u b’ħafna industriji ġodda u moderni li kienu qed jissaħħu u jiġu attirati lejn pajjiżna. Il-Gvern Laburista, wiret pajjiż li kien l-għira ta’ ħafna. Fil-verità, ma kienx jonqosna ħafna biex inkunu ikkunsidrati “l-aqwa fl-Ewropa”.
Il-ġimgħa l-oħra pero’ ħarġet statistika tal-Eurostat li għandha ġġagħlna nitħassbu. Din l-istatistika la ħarġet mill-Partit Nazzjonalista u lanqas mill-Uffiċċju Nazzjonali tal-Istatistika li Edward Scicluna għandu ħabta jikkritika meta joħroġ statistika li ma ddoqx għal widnejh, imma mill-uffiċċju tal-istatistika tal-Unjoni Ewropea. Din l-istatistika tikkuntrasta bil-kbir ma dak li kienet turi Malta sas-sena l-oħra. Infatti r-riżultati ta’ din is-sena fuq dik li hi produzzjoni industrijali li ma tinkludix il-kostruzzjoni, juru li:
• Malta irreġistrat it-tieni l-akbar tnaqqis fi produzzjoni industrijali fl-Ewropa meta mkejla xahar b’xahar, bi tnaqqis ta’ 7.4% f’Ottubru 2013 kumparat ma’ Settembru 2013 (l-Irlanda biss kellha tnaqqis akbar minn tagħna ta’ 11.6%). Dan hu gravi meta wieħed jikkumpara mal-medja tal-Ewropa li rat tnaqqis ta’ 0.7% biss. Sa Diċembru tas-sena l-oħra, Malta ikkumparat max-xahar ta’ qabel kellha żieda fil-produzzjoni industrijali ta’ 1.7%, li kienet akbar mill-medja ta’ 0.5% li esperjenzat l-Ewropa;
• Meta wieħed jikkumpara Ottubru ta’ din is-sena ma’ Ottubru tas-sena l-oħra, Malta kellha l-akbar tnaqqis fl-Ewropa, bi tnaqqis sinifikanti ta’ 13.9% (fit-tieni post ġiet l-Irlanda bi tnaqqis ta’ 7.5%). Dan hu aktar gravi meta wieħed jikkunsidra li bħala medja, l-Ewropa rat tkabbir ta’ 0.8% fuq is-sena ta’ qabel.
• Jekk wieħed jara r-riżultati ta’ Ottubru 2012, u jikkumpara ma’ din is-sena, id-differenza hija enormi. F’Ottubru tal-2012, Malta kellha it-tieni l-ogħla rata ta’ tkabbir fil-produzzjoni industrijali b’rata ta’ 10.3% u dan meta l-Ewropa bħala medja kienet rat tnaqqis ta’ 2.3% fuq is-sena ta’ qabel.
Fil-qosor, ir-riżultati jitkellmu waħedhom. Anke f’dik li hi industrija, Malta qed tara bidla fid-direzzjoni. Waqt li fi żmien Gvern Nazzjonalista, Malta kienet tara l-ogħla rata ta’ tkabbir waqt li l-Ewropa kienet qed tara tnaqqis, taħt il-Gvern Laburista Malta qed tara l-ogħla rata ta’ tnaqqis waqt li l-Ewropa qed tara tkabbir. L-istess ħaġa rajnieha fir-rata ta’ qagħad f’pajjiżna fit-tmien xhur li għaddew.
Wieħed jiftakar ukoll id-daqqa li pajjiżna ħa bl-iskema tal-bejgħ taċ-ċittadinanza li ġiet irredikolata mid-dinja kollha u li qajmet tħassib serju fl-Unjoni Ewropea, tant li ħa tiġi diskussa fil-Parlament Ewropew f’Jannar li ġej. Il-ħsara li din l-iskema għamlet lir-reputazzjoni ta’ pajjiżna żgur li m’għenitx biex nitqiesu l-aqwa fl-Ewropa.
L-istess ħsara qed issir mill-mod kif pajjiżna qed jitkellem fuq l-immigranti, li kompliet tgħaqqad bl-aħbar xokkanti li dehret fil-ġurnal Taljan L’Espresso li turi li fit-traġedja ta’ Lampedusa, Malta għażlet l-aktar triq riskjuża u li ħadet ħin biex il-Gvern jipprova jagħmilha tal-bravu, minflok ma’ ikkordina ma’ dgħajjes li kienu eqreb, bil-konsegwenza li għerqu mal-270 Sirjan. Żgur li ma għadniex l-aqwa f’dak li hu rispett lejn id-drittijiet tal-bniedem.
Altru milli “l-aqwa fl-Ewropa”. Bit-tmexxija tal-Partit Laburista, mhux biss ir-reputazzjoni ta’ pajjiżna niżlu ma’ l-agħar fl-Ewropa, imma anke r-riżultati fix-xogħol, l-industrija u l-ekonomija. Ma’ Joseph Muscat, jiżbalja hu, u inħallsu aħna.
Nieħu din l-okkażjoni biex nawgura lilkom u lill-familji tagħkom sena ġdida mimlija barka u riżq.
Comments
Post a Comment