Dan l-artiklu deher fil-ħarġa tan-Nazzjon tal-Erbgħa 12 ta' Ottubru 2016
Din il-ġimgħa
wasal fostna t-tanker Armada LNG Mediterrana, tanker li ser ikun qed jankra
b’mod permanenti fil-port ta’ Marsaxlokk għas-snin li Ä¡ejjin sabiex iservi ta’
ħażna ta’ gass għall-powerstation il-Ä¡dida li dan il-Gvern qed jibni.
Il-Partit
Nazzjonalista sa mill-bidu kritika d-deċiżjoni li jitpoġġa dan it-tanker
fil-bokka tal-bajja ta’ Marsaxlokk, u dan għal diversi raÄ¡unijiet, b’mod
partikolari raÄ¡unijiet ta’ sigurta’. Mill-banda l-oħra il-Partit Laburista qed jipprova
jikkonvinċi li huwa biss grazzi għal dan it-tanker li ser ikollna arja aktar
nadifa u kontijiet orħos. U allura mhux ta’ b’xejn li ħafna nies qed iħawdu
l-fatti u jitfixklu.
Ejja nibdew
mill-bidu. Dan it-tanker Ä¡ie Malta biex tkun tista’ tinxtegħel il-powerstation
ġdida tal-gass li bena dan il-Gvern. U għalfejn Joseph Muscat qalilna li għandna
bżonn nixegħlu din il-powerstation illum qabel għada? Għax fl-aħħar elezzjoni,
wiegħed li grazzi għal din il-powerstation Ä¡dida ser ikun jista’ jraħħas
il-kontijiet tad-dawl u jaqta’ d-dejn tal-Enemalta. Imma vera għandna bżonn
nixegħlu din il-powerstation biex nagħmlu dan?
Il-verita’ hi li
le. L-ewwel nett, m’għandniex bżonn powerstation Ä¡dida għax bl-interconnector,
bil-powerstation il-Ä¡dida tal-BWSC, u bil-parti l-moderna ta’ Delimara, għandna
biżżejjed biex nipproduċu l-elettriku li għandna bżonn għal ħafna snin oħra.
It-tieni, bl-interconnector kapaċi nixtru l-elettriku bi prezzijiet ħafna irħas
milli intrabatna li nixtruh għat-tmintax-il sena li ġejjin minn għand din
il-powerstation il-ġdida. It-tielet, rapport tal-NSO ippublikat il-ġimgħa
l-oħra juri ċar li l-emissjonijiet naqsu bin-nofs grazzi għal fatt li l-maġġor
parti tal-elettriku tagħna qed nixtruh mill-interconnector. Ir-raba’,
l-effiċjenza li ttina l-powerstation il-ġdida tal-BWSC tfisser li qed
niffrankaw miljuni kull sena mix-xiri taż-żejt, apparti l-fatt li l-prezz
taż-żejt naqas għal aktar minn terz ta’ dak li kien ftit tas-snin ilu. U
l-ħames, id-dejn tal-Enemalta qalilna li spiċċa issa li nbiegħet liċ-Ċiniżi.
U allura, jekk
diÄ¡a’ għandna arja aktar nadifa u prezzijiet orħos grazzi għall-interconnector
u l-powerstation tal-BWSC, u la għandna biżżejjed produzzjoni biex ittina
l-elettriku li għandna bżonn għas-snin li ġejjin, għalfejn qed nibnu powerstation
oħra, u noħolqu dan ir-riskju kollu għan-nies ta’ Marsaxlokk, BirżebbuÄ¡a u
n-naħa t’isfel ta’ Malta b’tanker mimli gass ankrat fil-port ta’ Marsaxlokk?
Agħar minn hekk,
għalfejn Ä¡iet skartata s-soluzzjoni li t-tanker ikun ankrat ftit aktar ‘il
barra mill-port, fejn jekk jiġri xi ħaġa jkun hemm riskju ħafna anqas
għan-nies, sempliċiment għax din tiġi tiswa aktar flus lill-investituri li qed
jibnu l-powerstation il-Ä¡dida?
U għalfejn Joseph
Muscat, li kien jaf minn qabel l-elezzjoni, minn rapport tal-Gasol, li kien ħa
jagħmel tanker u mhux jibni t-tankijiet kif kien qed jgħid, baqa’ jigdeb u
jqarraq bil-poplu minkejja li kien jaf li mhux jgħid il-verita’?
U għalfejn,
illum, il-Gvern għadu qed jirrifjuta li jippubblika r-risk assessment li
jippreżenta x’inhuma r-riskji marbuta ma’ dan it-tanker? Tanker li ser jitpoÄ¡Ä¡a
proprju biswit il-powerstation, biswit il-Freeport, u biswit ir-residenzi
tan-nies. Tanker li għandu mat-tletin sena, u li skont il-liġijiet tagħna
suppost lanqas seta’ jiÄ¡i rreÄ¡istrat fir-reÄ¡istru marittimu Malti.
Dawn huma
l-mistoqsijiet li l-Gvern għadu qatt ma wieġeb, u li allura jwassluna għal
konklużjoni li l-unika raġuni għalfejn dan it-tanker u din il-powerstation qed
isiru hi li hemm interessi personali tal-ftit li ħa jkunu qed igawdu minn dan
il-proġett. Min jaf, forsi anke xi kumpanija moħbija fil-Panama.
U għalhekk huwa
tal-mistħija li dawn l-interessi personali tal-ftit, qed jitpoġġew qabel il-ġid
komuni tal-ħafna, u qabel is-sigurta’ u s-serħan il-moħħ tan-nies tan-naħa ta’
isfel ta’ Malta.
Comments
Post a Comment