Skip to main content

Aktar Maturità



M’hemmx dubju li dan hu żmien iebes ħafna għal Partit Nazzjonalista. Forsi l-agħar żmien li qatt għadda minnu. Kull elezzjoni ta’ kap ikollha l-ġlied intern tagħha, u dan hu mistenni. Finalment hija l-ogħla pożizzjoni li wieħed jista’ jaspira għaliha fil-Partit.

Pero’ did-darba il-kumbattiment ma baqax wieħed intern. Did-darba qed nagħmlu pantomima pubblika, u dan wara it-tieni telfa f’elezzjoni ġenerali bl-istess distakk.

Li din id-darba l-kampanja tkun aktar pubblika mis-soltu kienet mistennija. Dan għaliex din m’għadhiex elezzjoni bejn tmien mitt kunsillier, imma elezzjoni l-ewwel bejn elf u ħames mitt kunsillier, imbagħad bejn aktar minn għoxrin elf tesserat. U allura wieħed kien jistenna li xi ftit jew wisq il-kampanji din id-darba jsiru anke fil-media, kemm dik diġitali u kemm dik stampata.

Li żgur ħadd ma stenna hu li din il-kampanja taqa’ fil-livell li waqgħet fih. Partitarji jitgħajru bejniethom. Dak “injurant”, l-ieħor “tal-klikka”, l-ieħor “moħħu magħluq”. Dak ser jarmi t-tessera jekk jitla’ Ċikku, l-ieħor ser jivvota Labour jekk jitla’ Peppu. Agħar minn hekk, ċertu Deputati, li wieħed kien jistenna li jagħtu l-eżempju, spiċċaw ipeċilqu fil-vojt u jsaħħnu l-irjus minflok jappellaw għall-kalma u d-diċenza.

Uħud mill-kandidati qed jgħidu li dan mhux ġej minnhom. Imma bir-rispett kollu, jekk m’intomx kapaċi tikkontrollaw in-nies tal-kampanja tagħkom, kif tistennew li tkunu kapaċi tikkontrollaw Partit u taspiraw li tmexxu pajjiż?

Sfortunatament, jitla’ min jitla’, jidher li r-rebbieħ ta’ din il-kampanja mhu ħa jkun ħadd ħlief Joseph Muscat. U dan għal raġuni waħda. Għax uħud minna stess, spiċċajna nxerrdu l-istess propoganda li jxerred il-Partit Laburista. Aħna n-Nazzjonalisti spiċċajna mhux biss nemmnu l-propoganda Laburista, imma nxerrduha aħna wkoll!

Ibda mill-idea li hemm xi ‘klikka’ moħbija ta’ xi erbat ixjuħ jiġdbu l-ispag ta’ kulħadd, bħal li kieku xi ‘klikka’ tista’ tikkontrolla kif jivvutaw elf u ħames mitt ruħ. Propoganda laburista li qed inxerrdu aħna stess.

Kompli mbagħad bl-attakk li qed isir biex niskreditaw l-informazzjoni li ħarġet Daphne Caruana Galizia. Bir-rispett kollu, huwa xogħol il-ġurnalisti li joħorġu l-istejjer u jinvestigawhom. U huwa xogħol il-politiċi li jispjegaw għemilhom. Vera, jista’ jkun li għandhda l-aġenda tagħha bħal kull ġurnalist, imma dan ma jfissirx li l-informazzjoni li toħroġ għandna niskreditawha. U mela spiċċajna niskreditaw lilha, u magħha niskreditaw il-Panama Papers u l-Egrant! Infakkar li dawn ma kienux biss allegazzjonijiet, imma stejjer ippruvati, ġuramentati quddiem Maġistrat inkwerenti, b’dokumenti u provi, u li fuqhom għaddejin erba’ inkjesti wara li Maġistrati oħra ddeċidew li hemm biżżejjed provi li jitolbu investigazzjoni. Żbaljajna li bnejna l-kampanja tagħna fuqhom biss, pero’ ma jfissirx li ma sarux u ma kellhomx jiġu investigati.

Min kif qed inġibu ruħna, l-uniċi nies li qed jogħrku jdejhom huma Joseph Muscat, Keith Schembri u Konrad Mizzi, li jistgħu jkomplu jaħslu l-flus u jdaħħlu l-kickbacks bil-kwiet ħalli jirtiraw kmieni minn fuq daharna u minn fuq dahar il-poplu Malti.

Minn hawn nappella lill-kandidati kollha, lit-teams tagħhom, u lill-partitarji kollha Nazzjonalisti, biex nibqgħu nirraġunaw u nżommu l-kalma. Jekk le, u nagħżlu li nħallu l-Partit Laburista jkissirna, inbatu mhux biss aħna imma pajjiżna, u d-demokrazija u l-libertà li darba ġġiliedna għalihom.


Dan l-artiklu deher f' In-Nazzjon tal-Erbgħa 30 t' Awwissu 2017.

Comments

Popular posts from this blog

Shema Yisrael, the cries of the Palestinian people

You live a peaceful life in a modest home. You've never bothered anyone and you've never caused trouble. Out of the blues, a group of people claim that they should live in your house. Why? Because they have been persecuted in a war, and they claim that some 5,000 years ago, their God had told them your home was their promised land. Somehow, the whole community agrees with their wishes, and asks you to grant them your spare-bedroom. You oblige. After a few months, they take the whole top-floor. In a few year's time, they take over your kitchen. After a few more years, they own your house and keep you and your family locked in the bathroom. They don't even allow you to get out, while they strip-search you the few times they do. Even if it's a medical emergency. Sometimes not even medical personnel and ambulances are allowed to see to your needs while your children die in your hands. Desperation starts hitting you. Life seems to offer no hopes. In moments

The Great Energy Proposal

I followed the example of a facebook comment uploaded on another blog to work out the savings my household will make with Labour's energy proposals. Our bill for of €717.80 for 7 months is divided into: An electricity service charge of €36.86 Electricity consumption of €404.83 A water service charge of €33.46 Water consumption of €242.65 Through the new tariff scheme, reducing the electricity consumption bill by 25% and the water consumption bill by 5%, our bill will read: An electricity service charge of €36.86 Electricity consumption of €303.62 A water service charge of €33.46 Water consumption of €230.52 A total of €604.46 for the same 7 months. A reduction of €16.20 a month. But this reduction comes at what price? This grand plan, the one we have been expecting for all these years, will materialize  if  we find a private investor ready to fork out €500 million in capital investment,  if  we reach a 10-year fixed price agreement,  if we manage to b

Why I am dropping out of the Anti-ACTA protest

Like many avid internet users, I have followed with interest the debate about ACTA (Anti-Counterfeiting Trade Agreement). After reading numerous articles, watched sensational videos, and discussed ad nauseam with friends, I have realized that what I have come across is a campaign hi-jacked by lies, myths and misconceptions as to rival Malta's misinformed divorce referendum campaign. I have to say that the videos on Youtube   got me worried. I quickly signed the petition, joined the Anti-ACTA groups, and prepared myself for a full-blown fight against the big-governments who want to intrude on our privacy and freedom of expression. Like our MEP Edward Scicluna invited us to do in the University debate last Wednesday, I did not try to understand the details of ACTA but rather saw who the players behind it were. But as usual, my logical instincts took over, and his call to not try to understand ACTA actually pushed me to read the text. And here's what I now know: ACTA is